Eugene I
Proclamatie 1985-1986,
Prins Eugène I (Eugène Soberje)
Weej, Vôrs Niemes:
Virde Vorst van ‘t Dreumelriek; Ridder in de Ordes van D’n Dreumel, De Moelbaer en de Endekoel; Oppervreejgezel van ’t Mussedörp; Huurhieër van de Zwaluwstraot, enz. enz, hebbe de groëte iër um heer en nów, met of soonder ów goodvinge, d’n drie-en-vieftigste Prîns ván ‘t Dreumelriêk te proklamere en te installere;
Ovverwaegende:
- Ten Iërste: Dát d'n tiet wer is ágebraoke dát iederen Dreumel ment enne vogel te hebbe, daoméj 't gekwetter en gekwaak ni van de lócht is, vuraal tot ons genoegen
- Ten Twedde: Dàt de in komende daag ós dreumels knats dolgedréjd mótte waere;de braom d'r af geslepe en de kentjes glad afgewaerkt, daoméj ós profiel gen afwiekinge zal vertoëne.
- Ten Derde: Dát weej daoveur tappe klaor hebbe ligge, beitels op schaerp hebbe staon en de bank aan't dréje zulle mótten hebbe.
- Ten Virde: Dat weej daoveur enne rasechten Dreumel hebbe gevónge deen de ganse boel aan't dréje wet te halde dát de speun d'r vanaf vlege, má dát weej wal dol má neet doorgedréjd moge waere.
- Ten Viefde: Dát weej de komende dolle daag zulle gaon belaeve as iëne game in drie sets, wó alliën bóvvenhands geserveerd zal waere en gen ónderhandse dropshots mit backhand zien toegestaon.
- Ten Zesde: Dát weej daoveur enne Prins mótten hebbe di ennen bal binne de lien kan halde, zónder d'r tenniserm ván te kriege en woveur weej ós ni hóve te gênere.
- Ten Zuvvende: (en ten leste) Dát en Dreumelriek zónder enne Prins liekt op en vaereke zónder kop of op en borebrulleft zónder elders.
Besloête weej:
Um heer en nou mit of zónder ow goodvinge te beneume toet virentwintigste Preens ván ’t Dreumelriek, waobeej weej eum de tittels verliëne van:
Ridder in de Ordes van D'n Dreumel, de Moelbaer en de Endekoel; Freiherr von Tennisbal zum Schweinenkopf, Sir Lob to Dropshot; Défroqué des paysans de HTC; Cómte de Oiseau á Plaisier en Grand-Installateur de L'ordre de Stökten rope nou oét tot veer-en-twintigste Prîns ván 't Dreumelriêk:
Prîns Eugène d’n Iërste
