Eric I

Vastenaovend 2019 3, 4 en 5 maart

Proclamatie 1996-1997,
Prins Eric I (Eric v.d. Munckhof)

Weej, Vôrs Primus:

Met of zônder oow goodvinge; Zesde Vôrs vân ’t Dreumelriëk; Ridder in de ordes vân d’n Dreumel; de Moelbaer en de Aendekoel; Oppervreejgezel vân d’n Dolgârd; Groëtmeister in de vreejen tied; Premier Tenor du Chanson; enz. enz.
Heer vur ów á-geweze um met of soonder ów goodvinge de vief-en-dártigste Preens ván ‘t Dreumelriëk te proklamere en te installere;

Ovverwaegende:

  • Ten ierste: Dát ôs Dreumelriek al en waek steurloos is, má in en liëge versnelling lángsem werm zal môtte dreije;
  • Ten twedde: Dát weej al veur 't starthek staon te dringe um d'r same met vol gas een te vleege waomej neet is gezág dat weej geliek afgevlagd hôve te waere;
  • Ten derde: Dát en Dreumelriek zônder Preens liekt op ennen wage met enne laege ténk en de bend oppe zök of op enne wingse crosmotor zônder reij;
  • Ten verde: Dát weej daomej oppen tied volgeténkt môtte zien, ôs water beejgevuld en de bend op spanning môtte hebbe, daomei weej neet oppe velling hove te loëpe;
  • Ten viefde: Dát weej op 't juuste momént ingeloëpe môtte zien en drie daag good in d'n oalie daomei weej as gesmaerd gaon loëpe;
  • Ten zesde: Dát weej good op toere môtte blieve, um dees daag zuinig, meenstes iën op elf, te kunne loëpe en de spanning op elf atmosfeer zulle môtte halde;
  • Ten zuvvende: Dát ennen dreumel neet druëg ká staon má oppentied môt doorsmaere en oalie ververse;
  • Ten achste: Dát weej daoveur gennen beunhaas van doon hebbe má iemes met en váste hand aan 't steur deen wied-e-waeg de beste op de waeg is nô d'n driedaagse vá joeks en plezeer;
  • Ten niggende: Dát 't wer ennen hiëlen toer waas, zoë neet en onmeugeleke opgaaf um dees reis met en trio de waeg op te kunne dát oos en groëte beurt ká gaeve daomei weej APK goodgekeurd oet de waeg kunne;
  • Ten tiende: Dát weej dees daag de bus neet wille misse, en vergefse reis wille gaon make of onderwaeg wille blieve ligge;
  • Ten elfde en leste: Dát weej daomej ván 't jaor en driedaagse reis gaon boeke waobeej weej geleid willen waere door ennen deskundigen adviseur en neet af wille wáchte wat er oet de bus giët kome;

Besloête weej:

Um heer en nou te goan oëtrope tot: Preens ván ‘t Dreumelriëk, woabeej weej eum beneume toet Ridder in de Ordes ván d`n Dreumel, de Moëlbaer en de Aendekoël;
Met de iëretitels ván:
Chevalier de la Table Ronde; Grand Coureur du Motorcross; Onderhandse Graaf ván 't hoëgveld; Opperbeschermhiër vá Mission Impossible; Baron von Munckhof bis Scheive Kieps en Oëtvinger ván de HOËSORDE VAN DE KLOTS.
en rope nou oët tot vief-en-dártigste

Prîns ván 't Dreumelriêk:

Prîns Eric d'n Iërste

mit zien Prinses Marij en Adjudante Dirk en Peter

Gegaeve, Hôrs 18 jannewari 1997

 

ald prins 035