Johan I

Vastenaovend 2020 23, 24 en 25 februari

Proclamatie Johan I

Proclamatie 2006-2007,
Prins Johan I (Johan Janssen)

Weej, Vôrs Primus:

Beej de grasie ván oow á-gesteld ás zesde Vôrs ván 't Dreumelriêk;
Ridder in de ordes ván d'n Dreumel, de Moelbaer en de Aendekoel;
Oppervreejgezel ván d'n Dolgárd; Groëtmeister ván de vreejen tiêd;
Premier Tenor Du Chanson; enz. enz.
Heer vur oow á-geweze um, met of soonder ów goodvinge, d'n vief-en-vertigste Prîns ván 't Dreumelriêk te proklamere en te installere;

Oaverweagende:

  • Ten ierste: Dát de Prîns ás 't ware d'n á-voerder is ván de vastenoavend en dát doabeej de eigenschappe van enne spits good gebroekt kunne waere.
  • Ten twedde: Dát de Prîns, ás enne Wachtmeister ván de kannoniers, d'r óp toe zuut dát d'r niemus te zát wuurdt en zeker ni ás en kanon.
  • Ten derde: Dát de Prîns, ás enne Wachtmeister ván de kannoniers, d'r óp toe zuut dát d'r niemus te zát wuurdt en zeker ni ás en kanon.
  • Ten verde: Dát de Prîns d'r vur mót zörge dát we heer in de Mèrthal óppen tiêd met de biëntjes ván de vloor goan en ni toe mót loate dát d'r met iemand de vloor wuurdt á-gevegd.
  • Ten viefde: Dát de gaevelversiering ván 't prînselijk hoês dit joar good in 't oëg mót valle zoëdát de Prînselijke stroat ván Hôrs nág prînselijker wuurdt.
  • Ten zesde: át de keuze van de neeje Prîns hiël zorgvuldig is gewes en dát 't definitieve besloêt doatoe is genoame in en zoëgenámde rónde-taffelconferensie.
  • Ten zuvvende: Dát geej óp en fijn manier ván de vastenoavend kunt geniete en dát de Prîns d'r óp toezuut dát ge ni ás enne stoëmwals dór enne porseleinkâs got.
  • Ten achste: Dát ge doarum met de juuste meense de vastenoavend mót viere, want en Hollands spraekwoord zaet: "Wie met pek umgiët wuurdt d'r mei besmet".
  • Ten niggende: Dát án de veurbereiding van de Vastenoavend kóste nag mójte gespaard zien en dát doabeej en beejdrage oet 't Anjerfonds good ván pâs is gekome.
  • Ten tiende: Dát de Prîns en zeker zien Prinses ván Hôrster vleis en blood mótte ziên, zoëdát de Dreumels en Dreumelinnekes drek wiëte wát vur vleis ze in de kuûp hebbe.
  • Ten elfde en leste: Dát d'r met de vastenoavesdaag nörges án de waeg gewaerkt móg waere en zeker ni dát 'íe wuurdt oape gebroake zoëdaát d'n óptocht zónder umleidinge ká plátsvinge.

Besloëte:

Um heer en nou te goan oétrope tot neeje Preens, woabeej weej eum beneume tot:
Ridder in de Ordes ván d'n Dreumel, de Moelbaer en de Aendekoel, met de iëretitels:
Ridder ván de Rónde Taffel; Baron ván de Anjerboys; Beschermhiër van Janssen de Jong Infra; en oétvinger ván de orde ván de Mulder en rope nou oét tot vief-en-vertigste Prîns ván 't Dreumelriêk:

Prîns Johan d'n Iërste

met zien Prinses Ilona en Adjudante Geert en Marcel

Gegaeve, Hôrs 27 jannewari 2007

ald prins 045