Neejs

Wilde gen minuut misse ván preens koen d'n 2e en zien gevolg?

Download heer zien tourliëst. Da hofde de preens ni te misse tiëjes de vastenaovend.

 KoenToer.pdf (196 KB)

Weej, Vôrs Naggus,
Achste Vôrs ván ‘t Dreumelriêk;
Ridder in de ordes ván D’n Dreumel, de Moelbaer en de Aendekoel;
Grande Mago con Mestolo; Tower of Power;
Grand Donateur des Chansons, Ambassadeur ván de Horsternachte, enz, enz,
hebbe de groëte iër um heer en nów, met of soonder ów goodvinge,d’n zaes-en-vieftigste Prîns ván ‘t Dreumelriêkte proklamere en te installere;

Ovverwaegende:

Ten Iërste:
Dát nao ós wervelende jubileumjaor de rust wer en bitje is teruggekiërd en weej ós óp kunnen gaon make vur de hierschappeej ván ózze kersverse zaes-en-vieftigste Dreumelprîns.

Ten Twedde:
Dát weej namelijk bisoonder gehandicapt zuijje ziên soonder prîns en ’t daorum en groëte zorg minder is dát weej enne geweldige kandidaat hebbe wiëte te strikke.

Ten derde:
Dát ózze neeje prîns ván plan is um de vastenaovend duchtig óp te gaon voere zoëdát d’r wer fleenk gas gegaeve ká waere.

Ten Verde:
Dát ózze neeje prîns en zien adjudânte ás gen ânder in staot zulle ziên um enne geweldige’n dreij án de Hôrster vastenaovend te gaeve en die de Dreumels en Dreumelinnekes soonder meuijte de polonaise i zulle kriêge.

Ten Viefde:
Dát deze positieve prîns mej neet aalt álles haelder vur oëge zal hebbe, már dát weej d’r ván ovvertuugd zien dát heej blînd óp zien adjudânte zal kunne vertrouwe.

Ten Zesde:
Dát weej dit jaor enne sportieve prins gaon kriege di oëg haet vur de Naobere, már di zelluf ok aerug spitsvondig en creatief wet te scoren.

Ten Zuvvende:
Dát weej d’r gräöts óp ziên dát weej mit deze prîns enne fantastische vertaegewoordiger vur ózze Hôrster vastenaovend hebbe gevónge, din óp de iërste pláts beweze haet te bárste ván de kennis ovver ós Dreumelriêk en daobeej ok nag ‘s ózze schitspoel hoëg in ’t vaandel hult.

Ten Achste:
Dát ózze opbouwcommissie dit jaor de Klos is mit deze dubbel-leenks-handige prins di geej zeker genne staeksleutel in de hand mót doowe umdát heej in dát ópzicht de bel wál haet huure luuie, már gen idee haet waor de klepel hungt.

Ten Niggende:
Dát ós neej prinsetrio de zintuûge ván alle Dreumels en Dreumelinnekes op schaerp zal zette en alles binnesteboete zal dreije um d’r enne straolende vastenaovend ván te make.

Ten Tiende:
Dát weej now has zien á-gekome beej ’t slotconcert ván dees proclamatie en op ’t peunt staon um ózze neej prîns oêt te gaon rope zoëdát weej ós óp kunne gaon make vur drie daag fiëst.

Ten Elfde en leste:
Dát weej oow d’r now haopelijk ván ovvertuugd hebbe dát weej deze prîns hiël zeker neet zoëmár óp ennen gooien daag taegen ’t liêf zien geloëpe, már dát weej eum mit oêterst groëte zörg hebbe oêtgekoze.

Besloête weej:
Um heer en nou te gaon oétrope tot neeje Prîns,
waobeej weej eum beneume tot:
Ridder in de Ordes ván d'n Dreumel, de Moelbaer en de Aendekoel,

Met de iëretitels:
Captain Starlight; Freiherr von Cochem bis Bali; Marquis à l'envers;
Don Chiave Diciannove; Iëre Ambassadeur ván Gooiendaag;
en oétvinger ván de orde ván “Staek 19 wies Schitspoel”
en rope nou oét tot zaes-en-vieftigste Prîns ván 't Dreumelriêk:

Prîns Koen d’n Twedde
mit zien Prinses Anne en Adjudânte Joop en Willem

Gegaeve, Hôrs 13 Jannewari 2018

Live verslag Reindonk:

Foto's:

Een fotoalbum van de proclamatie is hier te bekijken.