Wilma en Jos

Vastenaovend 2022 27, 28 februari en 1 maart

"En Valentijnsverhaal ôp hoëg nivo. 

’t Waas eind 1969 en ’t twedde bore broedspaar zaot d’r a te kome."

 

Kopie van 13. Jos & Wilma

 

Naam:  Jos en Wilma Keijsers-Peelen

Leeftijd: Dat mag je zelf raden!

Woonplaats: Horst

Liefde ontstaan op : lees het verhaal!

 

 

 

Jos en Wilma Keijsers-Peelen

En valenteinsverhaal ôp hoëg nivo. 

Foto 2 voor op social media Jos en Wilma’t Waas eind 1969 en ’t twedde bore broedspaar zaot d’r a te kome. Onder leiding vaan sportclub UVB (iënmalig)waas in dâtzelfde veurjaor al ’t iërste paar prachtig en succesvaol gepresenteerd; Wiek van Rensch mit Zus Janssen (vanne kreit). Dât waas nag in zaal Juliana teggenaover Herraets meubels.                                                     

De twedde brullef woorte georganiseerd dôr de schuttereej van Hôrs destiëds schuttereej Wilhelmina (nou St. Lucia) mit veul bombarie in ôs  schôn groëte mèrthal, toen nag mit lange reeje taffels en steul, same pruumkeswek aete en nag vul mier. Fantasties allemaol, ma gen juu a verdind.    

 

Foto 4 voor op social media Jos en Wilma

 

Ma nou keumt ‘t, ze haye en borebroedspaar mit vleugels zeg ma. De schuttereej vroog an Jos Keijsers of heej de broedegom woj ziën in dit onecht gebeure. Jos zäch, gaer ma ik heb nag niks an ’t hendje. Da zuk d’r ôw ma en zächte de kels vanne schut. En zoë gebeurde dât ok. Jos belde de dochter van Peeles Toën zien Wilma. Jos waerkte beej Peele in ’t bouwbedriëf en kende eur al langer. Wilma zäch jao ik wil waal, ondanks dât zeej wâl iemus an ’t hendje haj. De brullef waas en groët succes toendertiëd, ma de verrassing môs nag kome.

 

Foto 3 voor op social media Jos en Wilma

 

Wilma maek ’t gaw genôg oet mit eur liefde en gong mit de latere buutereedner Juupke d’n dûrpsumroper Jos door, bleve beejiën en trouwde twië jaor later al in 1972. Krege twië kiender en later daonao ok twië kleinkiender en ziën dus volgend jaor in september alwir 50 jaor getrouwd. En schonne anecdote is nag, dat de schuttereej op de echte brullefsdaag boete an de cafè zaal Coppus Jan (nou Grand cafè Coenders) compleet mit drumbend en aal en groëte serenade brocht. De schuttereej waor zeker in dit gevâl de groëte huwelijksmakelaar gewest.