Jan III

Vastenaovend 2020 23, 24 en 25 februari

Orde van" de Songert "
Prins Jan III    Jan Boekestijn
Prinses Mia
Adjudant Dré    Dré Bovens
Adjudant Jan    Jan Coenders

Names't ganse Dreumelvolk, op dezen oavend zoaterdag 30 jannewarie 1971 heer vur den iërste kiër beej iën op enne Prinse-pronkzitting,

wille weej, "Momus"

mit of zoonder ówen inspraak, Hiërser ovver ;'t dreumelriëk á beiskánte ván 't Mystieke Dieklichaam, vá de Provincinsjále Roondweg tusse de W. Wrume ván't Old Verbouwd Kestiël, de platgetraeje Schaakse Bós de Young Boys-Speulplats vá de Reulsberg, de Blaote, de dooëie Mussewiek, en de Autostrada ván 't Sjemdörp,

Ovverwaegend,

  • Ten Iërste: dát de vasteloaveswage vá d'n Dreumel oonderhand ál ácht joar haet geloëpe en dát zienen oalie dörrum hoëgnuëdig ververst mót waere;
  • Ten Twedde: dát zon kárweike neet oavergeloate mót waere á ennen beunhaas má án ennen vakman as din ów tenminste gojjekoëpe service ká verliëne as ge in d'n oalie ziet
  • Ten Derde: dát os dreumelriék dörrum enne Prins nuëdig haet din vur de juuste spanning wét te zörge um te vurkome dát beej te veul atmosfaer á joeks en plezeer oetrië springe, of beej te wiënig wind ál vur Aswoenzig op de zök stoan wie enne laegen autoband.
  • Ten Verde: dát zonne Prins ok óp de aseswares va de Karnavalsgekkigheid in't Dreumelriëk mot kunne lette en fiene neus mot hebbe wie enne afgerichte plisiehónd, en aaltiëd ennen helper in noëd mót zien as der beejgetenkt mót waere.
  • Ten Viefde (ten leste); dát zonne Prins ok en bitje't oëg mót halde op de geboartebeperking now de boorebrulleft zich zoë begint te vermenigvuldige; dát heej aaltiëd antivries beej de hand mót hebbe as ozzen optocht in de sniëj blief staeke; en dát heej d'r vuraal vur zál zörge dët weej wer en gans carnavalsjoar op toere zulle blieve mit en maximum verbroek ván hoëgsatus iën op elf;

Besloete:

um op dit plechtig oëgenblik nou de spanning ál is opgeloëpe toet elf atmosfaer oet te rope en te proklamere toet niggende Prins ván't Dreumelriëk;

PRINS JAN DEN DERDE

Um vur ten minste en ten hoëgste iën joar schadevreej te regere ovver de superen de gewoëne minse ván't Dreumelriëk en weej verlienen eum heerbeej de iëretitels;

Groët-gedupeerde vá Provinciale Waterstaat; Chevrooier de L'Automobile, Lord Pompmadoor, Iërsten Diekgraaf zoonder Oetzicht, Super Véteraan vá Wittenhorst, Opperdresseur ván Hermandad; ex Artikel Elfhoonderd-elf.

Gegaeve in Horst
de officieuze hoëfstad ván't DREUMELRIËK,
30 Jannewarie 1971
Vorst MOMUS

ald prins 009