Toën II

Vastenaovend 2019 3, 4 en 5 maart

Proclamatie Toën II

Proclamatie 1988-1989,
Prins Toën II (Toën Christiaens)

Weej, Vorst Niemus

Mit of zoonder oow goodvinge virde Vórs vaan 't Dreumelriék;
Ridder in de Ordes vaan D'n Dreumel, de Moelbaer en de Endekoel; Oppervreejgezel vaan 't Mussedörp; Huurhier vaan de Zwaluwstroat; Grootvórs in de Orde vaan Momus; Drager vaan d'n Alde Knoeper; enz. enz.

Ovverwaegende:

  • Ten ierste: Daat en Dreumelriék zoonder Prins liekt óp enne kwást zoonder hoar; doamei neet gezág is daat weej oos neet aas kwáste moge gedrage;
  • Ten twedde: Daat weej neet alles zwaart-wit moge zeen, ma daat't oos ok ni greun en gael vur de oege hoof te waere;
  • Ten derde: Daat weej d'r wer en kleurriék joar va zulle make en daat weej daat grondig a zulle pakke;
  • Ten virde: Daat weej ves alles in de groondvörf hebbe stoan, doamei oos wérk glad zal kunnen verloëpe;
  • Ten viefde: Daat doamei neet gezág is daat weej d'r oos, groaf of fién, naeve zulle schore of mit de groave kwást d'r naeve zulle goan;
  • Ten zesde: Daat weej neet áf zulle wáchte d'r oet de vörf zal kome of doa lak a zulle hebbe;
  • Ten zuvvende: Daat weej dit joar alle kaentjes good wille rake ma neet áf wille brande;
  • Ten achtste: Daat weej doamei enne Prins vaan doon hebbe din oos groondwérk zal kunne áfmake en kunnen veur¬zeen vaan een gooj áfwérkloag;

Besloete:

um heer en nou te goan beneume toet 26e Prins vaan't Dreumelriék, woabeej weejeum verliëne de ieretitels vaan Ridder in de Orde vaan D'n Dreumel, de Moelbaer en de Endekoel; Don Brosse a couleur; Lord House-painter, Freiherr von Maler bis Anstreicher; Liënhier vaan de Bérkel; Beschermhier van de Vlies en Grand Installateur vaan de Hoésorde vaan de Nejenbérg;
en rope nou oét toet prins vaan 't Dreumelriék:

Toën d'n Twedde

Gegaeve te Hórs, offisjeuze hoëfdstad vaan 't Dreumelriék,

Niemus, Vórs, 14 jannewarie 1989

ald prins 027