Wiek I

Vastenaovend 2020 23, 24 en 25 februari

Orde van" de Gastendonk "
Prins Wiek I    Wiek v. Rensch
Prinses Zus
Adjudant Dré    Jan Coenders
Adjudant Ben    Ben v. Rens

Names't ganse Dreumelvolk, vánoavend-29 jannewarie 1972 beejiën óp de Prinse-prónkzitting,

wille weej Momus, 

mit of zoonder ów goodvinge en beej ów gratie Vorst ván't dreumelriëk án beiskánte ván de vaerige rondweg, vá Kallifornië toet 't Törftreijersriek, ván de Moelbaerenbos toet't Tuuteriek, ván d'n Afhang mit zien dikke tuinders toet de Hessele mit eur dikke boore; Sultan vá Griendsveen, ónbezoldigd Kalief ván't Meulewiekerswiek, d'n Eikhorst, de schaakse bós toet de Kasselse Paes,

Ovverwaegend:

  • Ten Iërste: dát't ganse Dreumelriek vur d'n tiende kiër knats in de boënen is en dörrum enne Prins nuëdig haet din ós buëntjes wet te döppe en din't Dreumelvolk ká verlosse ván ál zien kómkómmernisse;
  • Ten Twedde: dát weej wer en gans jaor oet den brand geholpe motte waere en dät weej dörrum iemus nuëdig hebbe um de binnenoetslandse brentjes in de komende daag te kunne blusse;
  • Ten Derde: dát beej ós den boag neet altiet gespanne ká staon en dát weej dörrum enne vakman nuëdig hebbe um ós te óntspanne, en dát dát genne rare schutter móg zien;
  • Ten Verde: dát weej in dees daag behoefte hebbe á iërste sort joeks en plezeer en dát weej dörrum enne keurmeister nuëdig hebbe um dát vur ós oet te sortere;
  • Ten Viefde: dát weej in dees daag enne Prins nuëdig hebbe di verstand haet vá bore, Brullefte en fiëste, en din de naam ván ós Dreumelriek hoëg kán halde toet in de klenste urkes;
  • Ten Zesde: (en ten leste) dát zonne Prins in dezen tied vá B.T.W. en priesverhuëginge thoes mót zien op't gebied vá de cente en d'r veur ká zörge dát't Dreumelvolk dit joar neet beej zien Prinseske in 't"kreit"keumt te staon;

Besloete:

dat deze Prins vur minstes en hoëgstes iën joar zál regere ovver álle gewoëne en boetegewoëne Dreumels,

verliënen'm nów ál ves de iëretitels Liënhiër vá de Kreitenberg, Beschermhiër vá de schutrój, Lord Kómkómmer, Ridder vá de Vlis, Baron vá Tomaat toet Doorgedrejde Slaajkrop, Groëtmeister vá Spuit Elf en Kommandeur vá de Dreumelschatkist,

En proclamere nou toet tiende Prins ván ’t Dreumelriek:

PRINS WIEK den iërste

Gegaeve in Horst,
de officieuze hoëfstad ván't DREUMELRIËK,
29 Jannewarie 1972
Vorst MOMUS

ald prins 010