Mart I
Orde van" de Golden Slicht "
Prins Mart I Mart Cortenbach
Adjudant Wiek Wiek v. Rensch
Adjudant Jan Jan Weijs
Names't ganse Dreumelvolk, óp dees Pronkzitting beejiën, zaoterdág 10 febberwari 1973,
Wille weej: VORST MOMUS
Iërsten Handlanger ovver't Dreumelriëk ván álle geméntezek tusse den Enge Stásiewaeg,'t Oetgestorve Delta-plan ván de Kestiëlse Bös, de Bedreigden Oetlegger en't Noëdgebied Ván de Goldkust
Ovverwaegend:
- Ten Iërste: Dát dit't elfde Dreumeljaor giët waere en dát d'r dörrum enne richtige Jubileumprins oet de bus môt kome, din de zaak good wet te versiere,
- Ten Twedde: dát zonne Prins't rów werk ván zien groëte veurgengers mót kunnen afmake, en dörrum verstand mót hebbe ván vette spies en zuinige bestekke,
- Ten Derde: dát zonne prins ok enne schonne patroën mót zien um't fiëstgeweld in 't Dreumelriëk binne de perklieste te kunne halde, zoonder zich d'r naeve te schore,
- Ten Verde: dát d'r in dit jubileumjaor gen behoefte bestiët án wit gepliesterde grave en dát de joeks binne de kortste kiëre tegge 't plefóng mót zitte,
- Ten Viefde: (en ten leste), dát ózzen elfde prins d'r speciaal veur mót wiëte te zörge, dát den Horster carnaval nag veul jaore zoonder scheure of bárste zál blieve, en dát 't werk ván ós óngesubsidieerde veriëniging de iërste elf jaor neet zál ópdruüge,
Besloete,
um strakkes toet elfde Prins ván't Dreumelriëk te proclamére en eum nów de iëretitels te verliëne ván:
Comte de Stuck á la Finesse, Freiherr von Schlicht zu Einfach, Grand Charmeur ván de Blákt, Jónkhiër d'Hoogehorst, Opper-Veteraan ván Wittenhorst, Sir Troeffel of Peyton Place,
Um vur iën jaor ovver't volk ván D'n Dreumel ziene scepter te zwaaie,
PRINS MART den iërste
Gegaeve te Horst,
de Hoëfstad ván't DREUMELRIËK, in fiëststemming
10 fibberwari 1973
MOMUS, Vorst.
