Cor II

Vastenaovend 2019 3, 4 en 5 maart

Orde van " de Middelijkse Roës "

Prins Cor II    Cor Kuipers
Prinses Tiny    Tiny Kuipers - Roosen
Adjudant Jeu    Jeu v.d.Munckhof
Adjudant Hub    Hub Smits

Weej, vorst-regent-Sjeng,    

beej ow grasie,hiërser ovver 't groëte Dreumelriêk, dát zich oetstrekt ván d'n enge Stássiewaeg toet d'n Österiek, ván Callifornië toet de straote ván Amaerica: Liënhiër ván 't Meulewiekersriêk: ónderhandse Graaf ván 't Sjemdörp, de Mussewiek en de Groéte Kóm; Groëthándlanger ván De Vlis, de Goldkust en de Middelijk;

Ovverwaegende:    

  • Ten Ierste: Dát in deze tiêd ván aolie- en energiecrisis 't Dreumelvolk goj contacte zal mótte ónderhalde met zien buurtsjeikdomme D'n Afhang, de Middelijk en 't Sjemdörp, zoëdát de sjemkraan ni dicht giët en doamei neet óp de bon
  • Ten Twedde: Dát aal de Dreumels vur d'n twelfde kier knats ten underste-bóvve in de wôlke ziên en ze wer behuurlijk zeen vlege en dát weej dörrum enne Preens nuudig hebbe di verstand haet ván vlege en de knuppels ván 't Dreumelsvleegmesjien vakkundig wet te hantere.
  • Ten Derde: Dát 't Dreumelvólk left in enne Borenbrulleftcrisis en eur borenbrulleftspare hoëg mót wiëte te halde en dörrum enne Prîns mót hebbe di zegge kán:"Baeter Tien Roëze án de hánd ás iën Borrebrulleft in de locht".
  • Ten Virde: Dát 't ten hoëgsten tied wuurt dát 't Prinsschap wuurt oêtbesteejt, zoëdát de lichtdrukke ván ós Dreumels-Carnevalsfiëst ni druug gekopiëerd hóve te waere ;

Besloete:    

Dát deze Prins vur minstens en ten hoëgste iën jaor zal regere ovver álle gewoëne en boete-gewoëne Dreumels:

Verliëne um heerbeej de Iere-titels: Liënhiër ván de Middelijk; Beschermhiër ván AMC; Cômte de Goelasj; Baron ván kroet óp 't broëd toet sjem op de Bam; Freiherr ván piloot ohne Flugzeug; en Ridder ván de Delle toet de Middelijkse Roës;
en proclamere nou toet d'n twelfde Prins ván 't Dreumelriek:

Cor d`n twedde

Gegaeve in Horst    
de offisjeuze hoëfdstad ván 't Dreumelriek    

3 Fibberwarie 1974    
Vorst-Regent Sjeng

ald prins 012