Jac I

Vastenaovend 2019 3, 4 en 5 maart

Orde van " de Afgegrave Klaef " 
Prins Sják I  -  Jac Boots
Prinses Mien
Adjudant Mart Cortenbach
Adjudant Jan Lemmen

Wéj vorst Sjeng    

Mit of Zónder ów goodvinge: Vorst ván ´t Dreumelriek; Ridder ván d´n Dreumel, de Moelbaer en de Endekoel; Groët-Maharadja vá de Dessa, Oppermékanisjaen ván 't fietske, Gold-Kroket ván de Vlis en de Luünse knol:

Ovverwaegende:    

  • Ten Iërste: dát en Dreumelriek zónder Prins liekt óp kalde schóttel zónder kumkummerke of en bledje sláj.
  • Ten Twedde: dát wéj daovur enne vakman nuëdig hebbe di ós kán verlosse ván ál ós komkommernisse.
  • Ten Derde: dát 't zaod van 't dreumelse Karnaval vur d'n dertiende kiër zwaor verwermd oet de kalde grónd teveurschien zál mótte kome en neet in de nátte Meulebaek zál verzoepe.
  • Ten Verde: dát in 't jaor ván de vrouw ál ós dreumelinnekes verzurregd mótte waere ás en tiër slájplentje, zoëdat ze kónnen oetgrújje en blújje en daomèj neet zónder oetzicht án d'n Diek gezatte waere.
  • Ten Viefde: (en ten leste) dát de Karnevalsstemming good verzurregd zál mótte waere en neet mót gaon lieke óp ennen doorgedrèjde en doorgeschóte slaajkrop en wéj daomèj neet ás zaodbom ten ónder gaon

Besloete:   

Um heer en nów te proclamere toet d'n dertiende Prins ván ós Dreumelriek, en eum daobéj de iëretitels te verliëne ván: Ridder in de orde ván D'n Dreumel, de Moelbaer en de Endekoel; Beschermhiër ván 't Brook, 't rete böske en de klaef, Liënhiër ván d'n Östenriek, Diekgraaf ohne Aussicht, Groët Slájkist ván de Meulebaek en Boëtskuülke

En rope heer en nów oet toet Prins ván 't Dreumelriek:

Prins Sják d'n iërste

Gegaeve te Horst,    
De offisjeuze Hoëfdstad ván 't Dreumelriek,    
d´n achttiende januarie niggentienviefenzuvvetig,    

Vorst Sjeng.

 

ald prins 013