Joep I
Proclamatie 1982-1983,
Prins Joep I (Joep Geurts)
Weej, Vôrs Niemes:
Virde Vorst van ‘t Dreumelriek; Vorst ván ‘t Dreumelriek, ridder in de Orde ván D’n Dreumel, de Moelbaer en de Endekoel; Oppervreejgezel ván ’t Mussedörp; Huurhiër ván de Zwaluwstraot,enz. enz, hebbe de groëte iër um heer en nów, met of soonder ów goodvinge, d’n iën-en-twintigste Prîns ván ‘t Dreumelriêk te proklamere en te installere;
Ovverwaegende:
- Ten Iërste: dát en Dreumelriek zónder Prins liekt op en koe zónder kop of op en vaereke zönder stárt.
- Ten Twedde: dàt weej daoveur mit enne néje Prins óvver de brug wille kome.
- Ten Derde: dát deze Prins enne bloodeigen Dreumel mót zien.
- Ten Verde: dát weej daoméj ok wiëte wát vur vleis weej in de kuup hebbe.
- Ten Viefde: dát't vaereke op iën oër nao gevild is.
- Ten Zesde: dát de Vastenaovesviering in os Dreumelriek biëstig schon zal motte waere, má neet beej de biëste af.
- Ten Zuvvende: dát weej neet te kiër zullen goan às enne dolle stier daoméj gen sláchtparteeje ágericht waere.
- Te Achtste: dát daoméj neet gezag hóf te zien dat weej en druëgwórs zien of ós as gehaktballe mótte gedrage.
- Ten Niggende: dát weej iërste hölp mótte kriege as weej dat nuedig vinge.
- Ten Tiende: dát weej os karwei nou af gaon make en't maes neet in 't vaereke laote staeke.
Besloête weej:
um heer en nou te beneume toet Prins ván't Dreumelriek, mit de iëretitels vá : Ridder in de orde van d'n Dreumel, de Moelbaer en de Endekoel; ambulance de Henri Dunant; Grand-Fricandeau de la Barbecue; Freiherr von Parsvleis toet kerboet; Baron de la Bief á la Schaenk; Installateur ván de Orde van de Smálbrug:
En Rope nou oet toet iën-en-twintigste Preens ván ’t Dreumelriek:
Prîns Joep d’n Iërste
mit zien Prinses Grè en Adjudante Jan en Hay
Gegaeve, Hôrs 22 Jannewari 1983
