Paul I
Proclamatie Paul I
Proclamatie 1989-1990,
Prins Paul I (Paul Herraets)
WEEJ:
In 't acht-en-twintigste regeringsjoar vá Carnavalsvereniging D'n Dreumel;
Beejiën in 't Gasthoés, um heer en nou, mit of zonder ow goodvinge enne ni-je Heerser ovver 't Dreumelriek te goan oétrope;
Ovverwaegende:
- Ten ierste: dát weej in 't vurbeeje Prinsloos tiëdperk neet mit de hánd ovveriën gezaete hebbe, má os hoeswaerk good gedoan hebbe.
- Ten twedde: dát en Dreumelriek zonder Prins liekt openne stool zonder puët, of op ennen ezel zonder oëre.
- Ten derde: dát weej neet onder steul of baenk wille staeke dát di neeje Prins veurbiëldig te waerk zal motte goa, dát doamei neet gezag is dát heej zich wát mót i-biëlde of lieke op en bidpreentje oet de Oudheidkamer of áverwante zake.
- Ten virde: dát weej in ós Dreumelriek neet alliën vá nature oet ondernemend hóvve te zien, má dát ok van Os Hoés oet meigekrege kunne hebbe.
- Ten viefde: dát weej neet mit loëd in de schoon aan de komende veerdaagse kunne beginne, má mit joeks en plezeer op de loëp motte kunne goan of mit iemus en luëpke kunne neme.
- Ten zesde: dát weej neet oet de schoël klappe as weej vertelle dát weej ozze meister gevonge hebbe, woamei neet gezag is dát weej beej eum in 't kriét wille stoan.
- Ten zuvvende: dát weej d'r op motte kunne raekenen dát weej alliën in os eige taal de les gelaeze willen hebbe.
- Ten achtste: dát weej enne Prins ván doón hebbe, wò weej op motte kunne telle as weej zellef oétgeteld zien en di wet wò de schoon kniept as weej neet miër op os eige telle kunne pásse.
Besloete:
Um te goan beneume toet Prins ván 't Dreumelriek, mit de iëretitels vá:
Ridder in de Ordes ván d'n Dreumel, de Moelbaer en de Endekoel; Grand Professeur des ánons; Vreejetiedsmagazienmeister de la Chic; Freiherr von Unterricht; Onderhandse Graaf van d'n Aezelskop; Lord Marathon to King Kong en Oetvinger ván de Hoesorde ván 't Hórster Erf.
En proclamere nou toet acht-en-twintigste PRINS VAN 'T DREUMELRIEK:
PAUL d'n iërste
Joost de Koning - Wim Cox: adjudante
