Paul II

Vastenaovend 2025 2, 3 en 4 maart

Proclamatie Paul II

Proclamatie 1990-1991,
Prins Paul II (Paul Hanssen)

WEEJ, VÓRST PAUL:

Mit of zoonder oow goodvinge; Viefde Vórst vaan t Dreumelriëk; Ridder in de Ordes vaan D'n Dreumel, de Moelbaer en de êndekoel; Freiherr von Unterricht; Iëredrager vaan d'n Alde Knoeper, enz. enz.

Ovverwaegende:

  • Ten ierste: daat in de komende daag ieder veugelke mót kunne zinge, zoë-as 't gebekt is, umdaat we wer veul neut op ozze zang hebbe.
  • Ten twedde: daat doabeej de ouverture crescendo zal waere igezatte in drie kruuse, molto scherzando non troppo, ma daat niemus vaan d'n toënladder móg valle.
  • Ten derde: daat doamei neet is gezág daat weej ennen hoëgen toën willen a-sloan of daat d'r hárde neut gekrákt waere, woamei ok neet gezág is, daat weej gen twedde stem wille zinge.
  • Ten virde: daat weej vaan de komende daag en daverend Carnavalscanon zulle make, mit drie parteeje woabeej weej aal geliëk zulle beginne, neet geliëk hoove te eindige, ma 't waal zuuver mótte hálde.
  • Ten viefde: daat en Dreumelriëk zoonder Prins liekt op en koër zoonder solist of op enne notenbalk zoonder neut.
  • Ten zesde: daat weej mit de vastenoavesdaag de moat mótte hálde, en réch ovverend wille bliëve en um de neut ni HORIZONtaal wille goan.
  • Ten zuvvende: daat weej enne Prins zulle goan binneloëdse vaan de iërste sórt, neet te fiën en neet te gróf, ma vaan superieure kwaliteit.
  • Ten achtste (en ten leste): dat de klok dees daag neet zal doordreije ma op tiëd stop gezatte wuurd, woamei weej neet oëtgesorteerd en afgekeurd as en Hors d'Oeuvre op de rommelskoel gestort waere.

Besloete:

Um heer en nou te goan beneume toet negen-en-twintigste Prins vaan 't Dreumelriëk, waobeej weej eum verliëne de iëretitels va:
Ridder in de orde vaan D'n Dreumel, de Moelbaer en de êndekoel; Premier Chanteur des Chansons; Hors d'Oeuvre de la Horizon; Baron vaan Tomaat toet Slaajkrop; Opperkeurmeister vaan de Tuinbouwloëds en Oetvinger vaan de Hoesorde vaan 't Kraneveld
En rope nou oët toet PRINS VAAN 'T DREUMELRIëK:

PAUL D'N TWEDDE

ald prins 029