Piet I

Vastenaovend 2019 3, 4 en 5 maart

Proclamatie 1991-1992,
Prins Piet I (Piet Camps)

Weej, Vôrs Paul:

Mit of zoonder oow goodvinge; Viefde Vórst vaan t Dreumelriëk; Ridder in de Ordes vaan D’n Dreumel, de Moelbaer en de Êndekoel; Freiherr von Unterricht; Iëredrager vaan d'n Alde Knoeper, enz. enz.

Heer vur ów á-geweze um, met of soonder ów goodvinge, de dártigste Preens ván ‘t Dreumelriëk te proklamere en te installere;

Ovverwaegende:

  • Ten iërste: daat de lente wer in aantocht is en weej 't laeve wille bekieke vaan de zonnekant en neet getemperd wille waere door en zonsverduustering.
  • Ten twedde: daat weej daobeej neet iemus in 't zunke wille zette of as en zonnestraol in hoës wille gaon hale; waomei neet gezâg is, daat weej de zon neet door de glaas wille zeen schiene.
  • Ten derde: daat weej daoveur gen standaardwêrk vaan ennen beunhaas van doon hebbe, ma maotwérk geleverd wille hebbe door enne vakman di wet wat stiët en ni va lot ma hange.
  • Ten virde: daat en Dreumelriek zoonder Prins liekt op en zon zonder straol of op en bânkstel zoonder bânk.
  • Ten viefde: daat weej door de bânk genoame, neet door de bânk genoame wille waere, ma dat en Ton oppe bânk d'r beej os waal i giët as kook.
  • Ten zesde: daat in de komende daag alle bâls mit en good effect geserveerd zulle motte waere; Baovehands en gen oonderhands gestuuter, waomei weej 't net ni wiëten te vinge.
  • Ten zuvvende: daat weej vaan 't jaor wer veul neut op ozze zang hebbe en vaan de komende daag en daverende Carnavalscanon zulle maken mit en scenario vur drie parteeje, waobeej weej aal geliëk motte beginne, ma ieder vur zich moge eindige.
  • Ten achste (en ten leste): daat weej daoveur in os Dreumelkoër enne solist zulle gaon awiëze, di d'n hoëgsten toën wet een te zette en waobeej weej, man-en-koër de twedde stem zulle motte hálde,waomei neet gezág is, daat weej neet miër zulle moge zinge vaan toen ozze Mop en Mopje waas, en dat dat toch genne mop is.

Besloête weej:

Um heer en nou te goan beneume toet dartigste Prins vaan 't Dreumelriëk, waobeej weej eum verliëne de iëretitels va:
Ridder in de ordes van D’n Dreumel, de Moelbaer en de Êndekoel; Markies de lamelle verticale; Deuzieme Tenor de la chanson; Baron vaan Plovi wies Mala Moja; Opper veteraan vaan Armada; en Groët-installateur vaan de hoësorde vaan Welterswei.

En rope nou oët tot dartigste PRINS VAAN 'T DREUMELRIËK:

Prîns Piet d'n Iërste

mit zien Prinses Tonnie en Adjudante Jo en Frans

Gegaeve, Hórs 8 fibberwari 1992

 

ald prins 030