Frans I

Vastenaovend 2019 3, 4 en 5 maart

Proclamatie 1995-1996,
Prins Frans I (Frans Speijcken)

Weej, Vôrs Primus:

Met of zônder oow goodvinge; Zesde Vôrs vân ’t Dreumelriëk; Ridder in de ordes vân d’n Dreumel; de Moelbaer en de Aendekoel; Oppervreejgezel vân d’n Dolgârd; Premier Tenor du Chanson; Groëtmeister in de vreejen tied, enz. enz.;

Ovverwaegende:

  • Ten ierste: Dât weej wer op ôzze post zien en nao veul speurwérk op 't juuste adres en bândje hebbe kunne bezürge;
  • Ten twedde: Dât daomei neet is gezâg dât weej met iemes ván d'n alden stémpel oët de bus wille kome, mâ waovâ weej wâl en hoëge pet vân ophebbe;
  • Ten derde: Dât in de komende daag de snaore strak gespanne zulle staon, daomei weej good gestemd blieve, mâ toch gen geveulige snaor wille rake;
  • Ten verde: Dât weej d'r vur zulle gaon; ôs oëre good de kôs zulle gaeve, mâ neet de haor ôverend of de naas umhoëg zulle hâlde;
  • Ten viefde: Dât daomei neet is gezâg, dât weej aan de leiband wille loëpe of in enne kwajje reuk wille staon;
  • Ten zesde: Dât weej d'r vur zulle zürrege, dât geej vân 't jaor neet bezürgd hôft te zien, âs d'r drie daag ni bezürgd zal waere;
  • Ten zuvvende: Dât weej ôw op en brifke wille gaeve, dât geej beej ôs ân 't verkiërde adres ziet âs geej wilt blieve plekke;
  • Ten achste: Dât weej ôs grei wâl met ellestiek beejien zulle hâlde mâ toch zeker ni speik zulle laote loëpe;
  • Ten niggende en leste: Dât en Dreumelriëk zônder Preens liekt op ennen breef zônder adres of enne fiets zônder speike;

Besloête weej:

Um heer en nouw te goan oetrope toet veer-en dârtigste Preens ván ‘t Dreumelriëk, woabeej weej eum beneume toet Ridder in de Ordes vân d`n Dreumel, de Moëlbaer en de Aendekoel; Canis familiaris von Steller; Lord Telecom; Maitre Gitarier du Mash; ônderhandse Graaf van Elastiekânsteur en Oëtvinger vân de Hoësorde vân de Stökt en rope nou oét tot veer-en-dártigste Prîns ván 't Dreumelriêk:

Prîns Frans d'n Iërste

mit zien Prinses Wilma en Adjudante Guus en Ab

Gegaeve, Hôrs 27 jannewari 1996

 

ald prins 034