Jan VII

Vastenaovend 2025 2, 3 en 4 maart

Proclamatie Jan VII

Proclamatie 2000-2001,
Prins Jan VII (Jan Cox)

Weej, Vórst Primus:

Beej de grasie ván ów á-gesteld ás zesde Vórst ván 't Dreumelriëk;
Ridder in de ordes ván d'n Dreumel, de Moëlbaer en de Aendekoel; Oppervreejgezel ván d'n Dolgárd; Groëtmeister ván de vreejen tiëd;
Premier Tenor Du Chanson; enz. enz.
Heer vur ów á-geweze um, met of soonder ów goodvinge, d'n nigge-en dártigste Preens ván 't Dreumelriëk te proklamere en te installere;

Ovverwaegende:

  • Ten ierste: Dát in 't iërste bestoansjoar ván Hórs án de Maas de vástenoavend ni in 't water móg valle en we iemus nuüdig hebbe di zelf de schöpkes óp 't druüge haet.
  • Ten twedde: Dát we enne Preens mótte hebbe din án 't Vastenoavendgebeure enne'n dreij wet te gaeve en doabeej good zienen eigen dreij wet te vinge.
  • Ten derde: Dát we in deze technischen tiëd óp zeuk zién noa en schoap met viéf puüt óf ánders gezágd iemus met Willy Wórtel állures.
  • Ten verde: Dát de Preens Hórst zal mótte kunne promote woabeej 't champignongebeure en 't Schuttereej-jubileum hoëg in 't vaandel mótte stoan.
  • Ten viefde: Dát deze Preens noa zien regeerperiode met egards beej de Alde Knoepers zal waere ontvange vánwaege iedere verdinste.
  • Ten zesde: Dát we enne Preens nuüdig hebbe di good iets óp touw kán zette en doabeej teves de touwkes good in de hánd wet te halde.
  • Ten zuvvende: Dát doamei ni gezágd is dát, in dát gevál, iedere'n Dreumel per sé án 't langste of án 't korste end mót trekke.
  • Ten achste: Dát we enne Preens mótte hebbe di bekendheid geniet ván radio en TV, zoëwál ter Land, ter Zië ás in de Lóch.
  • Ten niggende: Dát d'n óptocht met de Vástenoavend in principe iëne wage korter wuurdt, ma dát dát, in oaverleg met de Lindeboys, roef-roef wuurdt ópgelost.
  • Ten tiende: Dát iëderiën dit joar vástenoavend mót viere en dát doa zeker beej huure Jan en állemán, Jan Rap en zien Maat, Jan Modaal en natuurlijk ok Jan met de Pet.
  • Ten elfde en leste: Dát, as die állemoal kome, weej enne schonne vastenoavend hebbe en weej hoapelijk Aswoendág wer állemoal "bóvve Jan zien".

Besloete:

Um heer en nou te goan oétrope tot neeje Preens, woabeej weej eum beneume tot:
Ridder in de Ordés ván d'n Dreumel, de Moëlbaer en de Aendekoël, Met de iëretitels:
Baron ván de Véldösterik, Beschermhiër ván de Paes en Australië;
Chavalier Général Mécanicien Construction Société du Haegens en oétvinger ván de orde ván 't Remmelkes Böske en rope nou oét tot niggen-en dártigste Preens ván 't Dreumelriëk:

Preens Jan de Zuvvende

met zien Prinses Sandra en Adjudante Peter en Leon

Gegaeve, Hórst 03 Fibberwari 2001

ald prins 039