Antoine I
| Proklamasie | |
| WEEJ, VÓRST PRIMUS: | |
| Beej de grasie ván ów á-gesteld ás Zesde Vórst van ’t Dreumelriëk; Ridder in de ordes ván d’n Dreumel, de Moelbaer en de Aendekoel; Oppervreejgezel ván d’n Dolgárd; Groëtmeister ván de vreejen tiëd; Premier Tenor du Chanson; enz. enz. Heer vur ów á-geweze um, met of soonder ów goodvinge, de ach-en-dártigste Preens ván ‘t Dreumelriëk te proklamere en te installere: | |
| Ovverwaegende: | |
| Ten Iërste: Dát, beej á-vang van 't derde Millennium, 't d'n hoëgsten tiëd wuürdt dat we en end make án de Preensloze weenterstop en 't vastenoavesspel wer goan hervatte. | |
| Ten Twedde: Dát d'r niks op taege is dat 't oëtgave-patroën met de vastenaovend sterk verhoëgd wuurd, ma dát umzet, balanstotaal en cashflow ni oët ut oëg verloare móg waere. | |
| Ten Derde: Dát met de vastenoavend ok geldt: wie de jeugd haet, haet de toekomst en we durrum en gooj activiteitenplan en coördenatie vur dezen doelgroep mótte hebbe. | |
| Ten Verde: Dát door de bank genome, ozze vastenoavend soonder spelbederf verluüpt en gaele kaarte ma zelde getrókke hoave te waere. | |
| Ten Viefde: Dát de neeje Preens d'r per saldo, vur hónderd procent taegge á giet, woamei ni gezág is dát heej, same met zien adjudante, as Wuülers te werk mót goan | |
| Ten Zesde: Dát de neeje Preens ván-oet zien midde-positie 't vastenoavesspel briëd mót kunne halde, zoëdat op 't juuste moment enne'n doarbraak geforceerd ka waere. | |
| Ten Zuvvende: Dát recentelijk vur noageslách is gezörgd,woamei de meugelijke continuïteit vur 't Preensschap in de verre toekómst is zeker gesteld. | |
| Ten Achste: Dát de neeje Preens ni alliën ván de doënste Noabere of ván bepoalde leeje ván de Mühltaler, má ván gáns Hórs en zoë en álles krediet zal kriege. | |
| Ten Niggende: Dát de dansmarietjes eur beste bientjes zulle veurzette en de neeje Preens zal kunne zegge "Mar Grietje(s), wát bin ik bliej met ów heer óp de bühn". | |
| Ten Tiende: Dát tiedes 't vastenoavesfiëst alle krane in deze schitterende Dreumeltempel oape zulle stoan, zoëdat alle buffette op en reej lieke op iën groëte Kranestroat. | |
| Ten Elfde: Dát weej wál enne'n Interum Burgemeister acceptere, ma dát we qua Preens alliën genoege neme met iemus ván formaat di minstens referenties haet op niveau van de Hoëfdklasse. | |
| Besloëte: | |
| Um heer en nou te goan oétrope tot neeje Preens, woabeej weej eum beneume tot: | |
| Ridder in de Ordés ván d'n Dreumel, de Moëlbaer en de Aendekoël, | |
| Met de iëretitels: | |
| Baron van Zoë en Alles, Onderhandse Graaf ván Wittenhorst. | |
| Opperbeschermhiër ván de Kranestroat en | |
| Chevalier Employé Relation Entreprise Banque súr Meeuze-Horst. | |
| En rope nou oét tot ach-en-dártigste Preens ván 't Dreumelriëk: | |
| Preens Antoine d'n Iërste | |
| met zien Prinses Margriet en Adjudante Alex en Lennard | |
| Gegaeve, Hórst 5 Fibberwari 2001 |
