Ber I

Vastenaovend 2025 2, 3 en 4 maart

Proclamatie 1993-1994,
Prins Ber I (Ber Cox)

Weej, Vôrs Paul:   

mit of zoonder oow goodvinge, viefde vórs ván 't Dreumelriëk, ridder in de ordes ván d'n Dreumel, de Moelbaer en de Aendekoel, Freiherr von Unterricht, Iëredrager vân d'n Alde Knoeper, enz. enz.

Heer vur ów á-geweze um, met of soonder ów goodvinge, de twiëendartigste Preens ván ‘t Dreumelriëk te proklamere en te installere;

Ovverwaegende:

  • Ten iërste: dât weej wer is in en gooj buuj zie mit gröijzaam waer, ma neet zelf moëij waer wille gao speule.
  • Ten twedde: dât in de komende daag 't jônge greun wer scheut giët kriëge en zal oëtloëpe um riëkelik vrucht te gaon drage vân 't iërste sort en de fenste kwaliteit.
  • Ten derde: dât heebeej alliën 't beste ras in amêrking keumt waomei neet is gezâg, dât oëtloëpers en doorbluijers neet zuije kunne.
  • Ten virde: dât weej ok vân 't joar wer een ziën vur 't iërste sort, jônk en gêlp, ma neet te fiën en zeker ni te grôf.
  • Ten viefde: dât vur ôs nag telt: "Jônk geliërd is âld gedoan", ma dât we doavvur nag neet toet op d'n bojjem môtte goan.
  • Ten zesde: dât weej neet alliën vân de kalde groond zie of ôs op de kâs loate jage, ma doabeej zeker ni in en glazer huuske wille woëne.
  • Ten zuvvende: dât weej de komende daag neet wille zeumere noa kwaliteit wies ôzze kop d'r blauw va wuurdt of weej d'r gâns hôl va waere.
  • Ten achste: dât heemei neet is gezâg dât geej ni de kop môgt opstaeke, ma vân ôs, neet de kâns zult kriëge um boave de groond oêt te kome.
  • Ten niggende: dât weej ok 't komend seizoen va nature wer ôndernemend zulle ziën um aan d'n bak te bliëve, ma doabeej ôs mês neet in de tés heuve te halde.
  • Ten tiende: dât weej ôs te bârste zulle zeuke, ma dât dât ôw gen speer zal schille.
  • Ten elfde (en ten leste): dât weej ôs seizoen gâns wies 't end âf zulle make en neet 't més d'r i loate staeke of na afloëp oëtgesorteerd, doorgedreijd of âfgebouwd heuve te waere.

Besloête weej:

Um heer en nouw te goan beneume toet twiëendartigste PREENS VÂN ’t DREUMELRIEK, mit de iëretitels va Ridder in de Ordes vân d'n Dreumel, de Moelbaer en de Aendekoel, Freiherr von Esbaer bis Sperjesbed, Grand Remonteur va Zomerkeuning wies Senga Sengana, Ônderhandse Graaf vân d'n Östrik, Baron vân d'n Tiendersen Diëk toet aan d'n Lichtenbérg en oëtvinger vân de Hoësorde vân d'n Östrik.
En rope nouw oët toet PREENS VAAN 't DREUMELRIEK:

Prîns Ber d'n Iërste

mit zien Prinses Dimph en Adjudante Sjaak en Huub

Gegaeve, Hórs 22 jannewari 1994

ald prins 032