Jan V

Proclamatie 1986-1987,
Prins Jan V (Jan Schatorie)

Weej, Vôrs Niemus:

Virde Vorst van ‘t Dreumelriek; Ridder in de Ordes van d’n Dreumel, De Moelbaer en de Endekoel; Oppervreejgezel ván ’t Mussedörp; Huurhiër van de Zwaluwstraot, enz. enz. Heer vur ów á-geweze um, met of soonder ów goodvinge, de vief-en-twintigste Preens ván ‘t Dreumelriëk te proklamere en te installere;

Ovverwaegende:

• Ten ierste: dat weej van de komende vastenaovesdaag en daverende Carnavalscanon zulle gaon make, in drie parteeje, waobeej weej allemaol tegeliek zulle beginne, ma ni same hovve te eindige; ma 't wal zuuver motte halde.
• Ten twedde: Dat weej daobeej niemus van d'n toënladder móge stoëte of iemes ovver d'n notebalk móge goëije
• Ten derde: Dat weej os mit dees daag te barste zulle zinge, dat 't daak zich licht, daomei weej op aswoensdag d'r a mesure knats op en de piep hardstikke laeg hebbe.
• Ten virde: Dat weej daoveur in os Dreumelkoër enne solist zulle gaon a-wieze, din d'n hoëgsten toën wet in te zette, waobeej weej, man en koër, de twedde stem zulle motte zinge.
• Ten viefde: Dat de komende bals baovehands geserveerd zulle motte waere, waobeej onderhands gestuuter neet is toegestaon.
• Ten zesde: Dat weej d'r wer is flink taegenaan zulle gaon, waobeej 't os zwart en gael vur de oëge zal waere, waobeej weej 't toch net zullen halde umdat enne timeout gen flötje vaan en caent is.
• Ten zuvvende (en ten leste): Daat weej daoveur enne spelverdeiler nuëdig hebbe, di os de komende wedstrijd as iën Dreumelteam wet te coachen en neet iemes deen dao de balle verstand van haet.

Besloête weej:

Um heer en now te gaon beneume toet vief-en-twintigste Prins van 't Dreumelriek, waobeej weej eum verliëne de iëretitels va:
Ridder in de orde van d'n Dreumel, De Moelbaer en de Endekoel; Premier Tenor des Chansons; Lord setup de balls; Baoveshandse Graaf de la balle a la Net; Freiherr von Unterricht zum Zagewetter; Baron du reüncarnation de L'adjudant en Grand-Createur de L'ORDRE DU DOLGARD.
En rope nou oet toet PRINS VAN 'T DREUMELRIEK:

Prîns Jan d'n Viefde

mit zien Adjudante Thijs en Berrie