Paul III
Proclamatie 2015-2016,
Prins Paul III (Paul Riswick)
Weej, Vôrs Naggus:
Achste Vôrs ván ‘t Dreumelriêk; Ridder in de ordes van D’n Dreumel, de Moelbaer en de Aendekoel; Grande Mago con Mestolo; Tower of Power; Grand Donateur des Chansons, Ambassadeur van de Horsternachte, enz, enz, hebbe de groëte iër um heer en nów, met of soonder ów goodvinge, d’n drie-en-vieftigste Prîns ván ‘t Dreumelriêk te proklamere en te installere;
Ovverwaegende:
- Ten Iërste: Dát weej ok dit kiër wer met zörg hebben oêtgekeke naor enne prîns din in staot is um en joar lang mit waardigheid ovver ‘t Dreumelriek te kunnen regere.
- Ten Twedde: Dát ozze neeje prîns door de wol gevaerfd is en zich kán berope op en enorme residentiële ervaring, zoëwal lokaal ás nationaal.
- Ten Derde: Dát het prachtig is dát weej enne prîns kriêge mit en Hôrster cultuurhárt, en dat doar wál degelijk enne’n haan nao kreijt.
- Ten Verde: Dát zal bliêke dát weej en prînselijk paar kriêge dát ás gen ânder wet hoe geej en knallend fiëstje mót organisere, en zeker neet alliën mit ald-op-neej.
- Ten Viefde: Dát geej oow d’r ván bewust mót zien dát weej dit joar enne prîns kriêge din enne’n onnoemelijk schaerpe blik haet en dwárs door oow hin kán kiêke.
- Ten Zesde: Dát de wiêsheid mit de joare keumt en d’r hiëlemaol niks óp taege is um zoë âf en toe ‘t best vur ‘t lest te beware.
- Ten Zuvvende: Dát de neeje prîns in miërdere ópzichte enne sportieve kilomaetervraeter is, en doarvur in ‘t naojaor gaer afreist nao bergachtige streke.
- Ten Achtste: Dát weej hiël bliej ziên dát ozze neeje prîns enne’n echte vastelaovesmeens is di en gedege opleiding haet gehad beej de Jeugdcarnaval en nag aalt jaorlijks zien geluid lut hure.
- Ten Niggende: Dát ‘t hendig is dát ozze neeje prîns gemekkelijk door ôzze neeje vôrs in de gate gehâlde kán waere, en waorschienlijk ok wál ândersum.
- Ten Tiende: Dát wál gebleke is dát geej hiël zeker genne blokfluitvirtuoos hôf te ziên um en carrière ás Vrouwevanger ván Hôrs oêteindelijk succesvol âf te sloête mit en enorm gevôlg.
- Ten Elfde en leste: Dát weej enne prîns kriêge di niks án ‘t toeval aover lut en daordoor behalve in de echt ok in de ónecht met zien prinses verbónge is.
Besloête weej:
Um heer en nou te gaon oétrope tot neeje Prîns, waobeej weej eum beneume tot: Ridder in de Ordes ván d'n Dreumel, de Moelbaer en de Aendekoel, Met de iëretitels: Capo del Cyclo Vino Sportivo; Residentieel Commandeur ván de Koninklijke Wiêk; Grand Poignée Pioche; Lord Echo; Roi de la Parade; Ambassadeur ván Lemmen & Co.; en oétvinger ván de orde ván “Confiture du Village” en rope nou oét tot drei-en-vieftigste Prîns ván 't Dreumelriêk:
Prîns Paul d’n Derde
mit zien Prinses Christianne en Adjudante Marcel en Ed
Gegaeve, Hôrs 10 Jannewari 2015
