Lekker in ôs vel

Vastenaovend 2025 2, 3 en 4 maart

Refrein:
Wat zitte weej toch lekker in os vel
't zit neet te ruum, en 't zit ôk neet te krap
Wat zitte weej toch lekker in os vel
Joa dat os vel zo lekker zit dat is toch knap
Want d'r zien velle, in sorte en in moate
Ma dat vaan os, dat zit os as gegoate
Wat zitte weej toch lekker in os vel
Dat deut ‘m de vastenaovend, wat ik ow vertel

Couplet 1:
Weej zien hoe we zien, met os is gaar niks mis
We doon alliën wat gekker as ut vastenaovend is
Weej hovve drie daag neet te jakkere
En weej deanke nag ma neet aan sonjabakkere

Refrein

Couplet 2:
Weej veule os good, en make os gen zörg
En good humeur wearkt beater daan en plastisch chirurg
Weej  wille echt neet in de sportschoël stoan
Weej wille livver veurop in de polonaise goan


Refrein

Tussenstuk

Vur os gen botox, peeling, face-lift, sap- of sherrykuur
Weej zitte lekker in os vel, weej blieve puur natuur

Tekst: Kleffe Zök
Muziek: Kleffe Zök
Zang: Kleffe Zök (Wim Duffhues, Paul Beurskens, Gert v.d. Sterren en Cay Kleeven)

CD 2008