Hay I

Vastenaovend 2020 23, 24 en 25 februari

Proclamatie 1978-1979,
Prins Hay I (Hay Martens)

Weej, Vôrs Niemes:

Beej ów grasie, Virde Vorst van ‘t Dreumelriek, Ridder ván d’n Dreumel, De Moelbaer, en de Endekoel, Groëtmeister ván de Klos, Oppervreejgezel ván t Mussedörp, Huurhiër vän de Zwaluwstraat, enz. enz, hebbe de groëte iër um heer en nów, met of soonder ów goodvinge, d’n zuvventiende Prîns ván ‘t Dreumelriêk te proklamere en te installere;

Ovverwaegende:

  • Ten Iërste: Dát't d'n hoëgsten tied wuürt, dát in ós Dreumelriek de zake wer in't loëd gezatte waere;
  • Ten Twedde: Dát weej daoveur ennen handlanger mótte wiëte te vinge, di ós de profiele en spante ká stelle en oetwaterpasse, toet't hoëgste punt bereikt is.
  • Ten Derde: Dát ós Dreumelriek zónder Prins liekt óp en vrijje sektor woëning zónder fundemaente waobeej gericht wuürt zónder vlag;
  • Ten Verde: Dát weej daomèj ennen oetveurder nuëdig hebbe din ós Dreumelriek daakdicht en glaastoe ká oplevere en deen ós fundamaente ká laote doorzakke toet óp de gaele, daomèj weej neet oet ós voege barste en vur renovasie geherstruktureerd mótte waere;
  • Ten Viefde: Dát in de komende daag ós Dreumelriek bouwriep en bestemmingsvreej gemákt mót waere vur d,n tied va joeks en plezeer;
  • Ten Zesde: (en ten leste): Dát weej dit groëte karwei ónderhands oetbestaijd en gegund hebbe aan ennen óndernemer, waobeej't miër en minder waerk en de óvverore zónder zwart gaeld ovver en gans jaor oetgesmaerd kunne waere.

Besloête weej:

Um heer en nów te beneume toet de zuvventiende Prins ván't Dreumelriek, en eum daobeej te verliëne de iëretitels vá:

Ridder ván D'n Dreumel, De Moelbaer, en de Endekoel, Lord Profile toet waterpas, Idem ván Scheet toet loëd, Ridder in 't Gilde ván de gere pezerik, Oetvurder vá Verstek'79, Freiherr vom Schutröj bis am Linde,Grand Createur del′Ordre de Boaves Böske
En proclamere nou tot: Prins van ’t Dreumelriek:

Prîns Hay d’n Iërste

mit zien Prinses Nellie en Adjudante Joep en Grad

Gegaeve, Hôrs 3 Fibberwari 1979

ald prins 017