Joep II

Vastenaovend 2020 23, 24 en 25 februari

Proclamatie 1983-1984,
Prins Joep II (Joep Verhaegh)

Weej, Vôrs Niemes:

Virde Vorst van ‘t Dreumelriek; Ridder ván d’n dreumel, de moelbaer en de endekoel; Oppervreejgezel ván de Zwaluwstraot; Huurhiër ván de Mussebuurt enz. enz, hebbe de groëte iër um heer en nów, met of soonder ów goodvinge, d’n twië-en-twintigste Prîns ván ‘t Dreumelriêk te proklamere en te installere;

Ovverwaegende:

  • Ten Iërste: dát ós Dreumelriek van't jaor zien twië-en-twintig jäörig jubileum giet viere.
  • Ten Twedde: dàt weej daomei ok vur d'n twië-twintigste kier enne prins vandoon hebbe.
  • Ten Derde: dát weej vanwaege't jubileumjaor de blumkes is fleenk boete gaon zette.
  • Ten Verde: dát weej daomei motte kunne raekene op enne rasechte dreumel deen ós kan oetlegge wurrum elf en elf twië-entwintig is.
  • Ten Viefde: dát daomei neet gezag is dat weej en raekenwónder wille waere, mä wal op os telle motte kunne passe.
  • Ten Zesde: dát ok ós dreumelriek neet zal kunne ontkome aan de inflasie-en inleveringsprobleme.
  • Ten Zuvvende: dát weej daomei enne Prins nuëdig hebbe di bereid is nae te zegge taege inlevering van drie presaent á joeks en plezeer
  • Ten Achtste: dát ós dreumelvolk de komende daag mit tuuters en kwakers zal oetzwerme vur d'n drieddágse rondedans.
  • Ten Niggende: dát weej daobeej geleid motte waere door enne prins di ervaring haet mit't regere van en volk.
  • Ten Tiende: dát en dreumelriek zónder Prins liekt op en vólk zonder Keunigin of enne Raod van tien.

Besloête weej:

Um heer en nou mit of zónder ow goodvinge te beneume toet virentwintigste Preens ván ’t Dreumelriek, waobeej weej eum de tittels verliëne van:

Ridder in de Ordes van D'n Dreumel, de Moelbaer en de Endekoel; Freiherr von Tennisbal zum Schweinenkopf, Sir Lob to Dropshot; Défroqué des paysans de HTC; Cómte de Oiseau á Plaisier en Grand-Installateur de L'ordre de Stökten rope nou oét tot twië-en-twintigste Prîns ván 't Dreumelriêk:

Prîns Joep d’n Twedde

mit zien Prinses Mientje en Adjudante Ton en Hay

Gegaeve, Hôrs 11 Fibberwari 1984

ald prins 022