Peter II

Vastenaovend 2019 3, 4 en 5 maart

Proclamatie Peter II

Proclamatie 2005-2006,
Prins Peter II (Peter Deriks)

Weej, Vórst Primus:

Beej de grasie ván ów á-gesteld ás zesde Vórs ván 't Dreumelriêk;
Ridder in de ordes ván d'n Dreumel, de Moëlbaer en de Aendekoel;
Oppervreejgezel ván d'n Dolgárd; Groëtmeister ván de vreejen tiêd;
Premier Tenor Du Chanson; enz. enz.
Heer vur ów á-geweze um, met of soonder ów goodvinge, d'n ver-en-vertigste Prîns ván 't Dreumelriëk te proklamere en te installere;

Oaverweagende:

  • Ten ierste: Dát enne Prîns ós gen sprookjes hoft te vertelle, ma dát dát zeker ni wil zegge dát heej d'r in zien dagelijks laeve ni in móg gluüve.
  • Ten twedde: Dát we in 't jubileumjaor ván d'n Dreumel enne prîns nuüdig hebbe din't klappe ván de zweep kent ónder 't motto: Jónk geliërd is ald gedaon.
  • Ten derde: Dát we deze vastenaovend zeker gen water beej de wiên wille doon en dát d'r good óp toe wuurdt gezeen dát d'r gen steke ónder water waere oêtgediëld.
  • Ten verde: Dát enne'n officiële prazel-deskundige, eventueel via d'n ether, campagne kán voere die politieke meiningsverschille tiedus de vastenaovend án de kant ká zette.
  • Ten viefde: Dát we deze vastenoavend duchtig óp de trom wille sloan en dát we d'r zeker ván wille ziên dát d'r niemand tussendoor met stille trom vertrekt.
  • Ten zesde: Dát 't wál en gegaeve is dát enne Prîns gebaore en getaoge mót ziên in Hôrs má dát dát ni wil zegge dát zien elders bevurbiëld gen Pannekletsers móge ziên.
  • Ten zuvvende: Dát 't enne pré is ás de Prîns en Prinses óp 't end ván de bewoënde werreld woëne, speciaal um zich i te kunne laeve in de agrarische sektor.
  • Ten achste: Dát enne Prîns 't symbool is ván de vastenaovend, zoë-ás en roës 't symbool is ván álle schonheid óp dees werreld.
  • Ten niggende: Dát en preenselijk duo mier mót hebbe gezeen ás 't Dreumelriëk en umgaeving, um zoë te zegge dát de werreld á mótte kunne ván tot Las Vegas tot zoëwát Klein-Oëldere.
  • Ten tiende: Dát enne Prîns d'r in 't algemiën is vur álle Dreumels en Dreumellinnkes ma in 't bizónder vur FC 6,50 en Scheif Grei.
  • Ten elfde en leste: Dát de prîns same met zien Prinses en adjudante ás 't ware iën ploog ziên die de verse groep ván de vastenaovend vörme.

Besloëte:

Um heer en nou te goan oétrope tot neeje Preens, woabeej weej eum beneume tot:
Ridder in de Ordes ván d'n Dreumel, de Moelbaer en de Aendekoel, met de iëretitels:
Beschermhiër ván HZPC; Graaf ván d'n österik en 't Brook; Baron ván de FC 6,50 en scheif grei; General Drum Captain of Fishnet Stocking; Grand-duc Classionaire du Toverland en oétvinger ván de orde ván "Bouwhof Den Nieuwem-borch ónder Oistenrijck" en rope nou oét tot ver-en-vertigste Prîns ván 't Dreumelriëk:

Prîns Peter d'n twedde

met zien Prinses Roos en Adjudante Loe en Twan

Gegaeve, Hôrs 04 fibberwari 2006

ald prins 044