René I

Vastenaovend 2025 2, 3 en 4 maart

Proclamatie René I

Proclamatie 2008-2009,
Prins René I (René Kuijpers)

Weej, Vôrs Primus:

Beej de grasie ván oow á-gesteld ás zesde Vôrs ván 't Dreumelriêk;
Ridder in de ordes ván d'n Dreumel, de Moelbaer en de Aendekoel;
Oppervreejgezel ván d'n Dolgárd; Groëtmeister ván de vreejen tiêd;
Premier Tenor Du Chanson; enz. enz.
Heer vur oow á-geweze um, met of soonder ów goodvinge, d'n 47e Prîns ván 't Dreumelriêk te proklamere en te installere;

Oaverweagende:

  • Ten ierste: Dát in dees onzekere tieje d'r iën ding zeker is en wál dát 't ok dit jaor wer iemand gelukt is um en gooj reeje te verzinne um ni no de Proclamatie ván D'n Dreumel te kunne.
  • Ten twedde: Dát ok dit jaor de lat wer hoëg is gelâg, mar dát we enne Prîns kriêge waoveur eigenlijk gen lat te hoëg leet.
  • Ten derde: Dát weej 't gaer zeen dát d'r dit jaor ni geskiejd wuurdt, zoedát d'r met de vastenaovend ok niks gebraoke wuurdt, wát óp zich ni soonder miër vánzelfspraekend is met enne Prîns di "Hals und Beinbruch" gaer letterlijk nimt.
  • Ten verde: Dát, hoewál en korte straot ni persé de Kortestraot hóf te heite um toch kort te ziên, ózze Prins best in en korte straot móg woëne, ás d'r már pláts is vur minstens twië Prînse.
  • Ten viefde: Dát de veurspellinge d'r van oêt gaon dat ozze neeje Prins hallef november van dit jaor zeker met de Vôrs-verlet te make giet kriege.
  • Ten zesde: Dát weej enne Prîns kriege di beweze haet dat heej alle Dreumels en Dreumelinnekes met de vastenaovend good zal wiëte op te vange, zoëas beveurbiëld enne gooje keeper soonder móite alle bel vungt.
  • Ten zuvvende: Dát we zeker dit jaor d'r op kunne vertrouwe dát 't Prînselijk trio enne prachtige vastenaovend giet bouwe, oftewál, um zoë má te zegge, dát 't dit jaor met os Prinselijk trio in alle opzichte bâl is. Dát giët "Vast-good".
  • Ten achste: Dát we zeker enne'n Horster prins wille hebbe di – nag miër ás andere - mot woëne in Hôrs en gebaore mot zien in Hôrs. Marja, dat letste beteikent ni dát daorbeej neet de grenze moge waere ópgezóg.
  • Ten niggende: Dát weej dit jaor enne Prîns kriege di zich bizonder good haet veurbereid daor veur jaore terug al ves en hoes te bouwe naeve enne'n Ald Prîns, waordoor weej d'r dán ok hiël zeker ván kunnen ziên dát heej gen Buun-vrees haet.
  • Ten tiende: Dát de vastenaovend zorgvuldig zal waere geleid, zoëas weej dat ok gewend zien beej de E3 ván ôs Hôrster voetbaltrots.
  • Ten elfde en leste: Dát 't good is dát we enne'n Prins kriege di stevig in de schoon stiet en di zich ni gek lut make. Keumt 't vándaag ni, da keumt 't Maerge…Misschien.

Besloëte:

Um heer en nou te goan oétrope tot neeje Preens, woabeej weej eum beneume tot:
Ridder in de Ordes ván d'n Dreumel, de Moelbaer en de Aendekoel, met de iëretitels:
Groëthertog ván Maerge Misschien; Kroënprîns van Bakskei wies Daakpan; Baron van Knöäk-Knats-Knak; Generaal-boete-vaeld van de E3; Lord of Living Horst en oétvinger ván de orde ván 't Harrie Driessenströtje en rope nou oét tot 47e Prîns ván 't Dreumelriêk:

Prîns René d'n Iërste

met zien Prinses Marja en adjudante John en Peter

Gegaeve, Hôrs 31 jannewari 2009

ald prins 047