Koen II
Proklamatie
Weej, Vôrs Naggus:
Achste Vôrs ván ’t Dreumelriêk;
Ridder in de ordes ván D’n Dreumel, de Moelbaer en de Aendekoel; Grande Mago con Mestolo; Tower of Power; Grand Donateur des Chansons, Ambassadeur van de Horsternachte, enz, enz,
hebbe de groëte iër um heer en nów, met of soonder ów goodvinge,d'n zaes-en-vieftigste Prîns ván 't Dreumelriêk te proklamere en te installere;
Ovverwaegende:
- Ten Iërste: Dát nao ós wervelende jubileumjaor de rust wer en bitje is teruggekiërd en weej ós óp kunne gaon make vur de hierschappeej ván ózze kersverse zaes-en-vieftigste Dreumelprins.
- Ten Twedde: Dát weej namelijk bisonder gehandicapt zuijje ziën soonder Prîns en 't daorum en groëte zorg minder is dát weej enne geweldige kandidaat hebbe wiëte te strikke.
- Ten Derde: Dát ózze neeje prîns ván plan is um de vastenaovend duchtig óp te gaon voere zoëdát d'r wer fleenk gas gegaeve ká waere.
- Ten Verde: Dát ózze neeje prîns en zien adjudánte ás gen ánder in staot zulle ziên um enne geweldige'n dreij án de Hôrster vastenaovend te gaeve en die de Dreumels en Dreumelinnekes soonder meuijte de polonaise i zulle kriêge.
- Ten Viefde: Dát deze positieve prîns neet aalt álles haelder vur oëge zal hebbe, már dát weej dr ván ovvertuugd zien dát heej blind óp zien adjudánte zal kunne vertrouwe.
- Ten Zesde: Dát weej dit jaor enne sportive prins gaon kriege di oëg haet vur de Naobere, már di zelluf ok aerug spitsvondig en creatief wet te scoren.
- Ten Zuvvende: Dát weej dr gräöts óp ziên dát weej mit deze prîns enne fantastische vertaegewoordiger vur ózze Hôrster vastenaovend hebbe gevônge, din óp de iërste pláts beweze haet te bárste ván de kennis ovver ósDreumelriëk en daobeej ok nag 's ózze schitspoel hoëg in 't vaandel hult.
- Ten Achste: Dát ozze opbouwcommissie dit jaor de Klos is mit deze dubbel-leenks-handige prins di geej zeker genne staeksleutel in de hand mót doowe umdát heej in dát ópzicht de bel wál haet hure luuie, már gen idee haet waor de klepel hungt.
- Ten Niggende: Dát ós neej prisetrio de zintuúge ván alle Dreumels en Dreumelinnekes op schaerp zal zette en alles binnesteboete zal dreije um dr enne straolende vastenaovend ván te make.
- Ten Tiende: Dát weej now has zien á-gekome beej 't slotcocert ván dees proclamatie en op 't peunt staon um ózze neej prîns oêt te gaon rope zoëdát weej ós óp kunne gaon make vur drie daag fiëst.
- Ten Ellefde en leste: Dát weej oow dr now haopelijk ván ovvertuugd hebbe dát weej deze prîns hiël zeker neet zoëmár óp ennen gooien daag taege 't liëf zien geloëpe, már dát weej eum mit oêterst groëte zörg hebbe oêtgekoze.
Besloête weej:
Um heer en nou te gaon oétrope tot neeje Prîns,
waobeej weej eum beneume tot:
Ridder in de Ordes ván d'n Dreumel, de Moelbaeren de Aendekoel,
Met de iëretitels:
Captain Starlight; Freiherr von Cochem bis Bali; Marquis á Levers; Don Chiave Diciannove; Iëre Ambassadeur ván Gooiendaag; en oétvinger ván de orde "ván Staek 19 wies Schitspoel"
Grande Ammiratore del Calcio in Fori Luci; Vaeldmaarschalk ván de Stuksbeemd; Ambassadeur ván Bit wies Byte;
en rope nou oét tot zês-en-vieftigste Prîns ván 't Dreumelriêk:
Prîns Koen d’n Twedde
mit zien Prînses Anne en Adjudante Joop en Willem
