Ás de werreld toch is plat waas

Vastenaovend 2025 2, 3 en 4 maart

Refrein:
Ás de werreld toch is plat waas,
dá stónge weej wiet vaster óp ós biën,
rónterum mós wál en leuning,
wánt anders zuj 't te gevaorlijk ziên!
En vur de schoon waas 't ok baeter,
't scheif áfsliête waas gedaon,
nou huur ik ów ál hárdóp zegge,
loëp met di schaele kwats toch nao de maon.
 
Couplet:
't Waas met vastenaovend, Piet ging óp hoês óp a,
heej ging duk puütje aover, heej snapte d'r niks va.
Zien vrouw zaog zien geschravel en zâg vur de lol,
Ja, Piet, da's moeilijk loëpe, óp zonne rónden bol.
 
Couplet:
Has álle neej ideeje, die waere áfgekrákt,
doabeej ok de bedenker, vur vánálles oêtgemákt.
Pas nò verloëp ván joare, kriêge ze 't door,
Joa dát is nagál logisch zaet da de stomste boor

Tekst:  Cor Kuipers
Muziek:  Wiel Vervoort
Zang:  Marc Aerts en Jac Jeurissen

CD 2007