Sjaak I

Vastenaovend 2025 2, 3 en 4 maart

Proclamatie Sjaak I

Proclamatie 2009-2010,
Prins Sjaak I (Sjaak Jeurissen)

Weej, Vôrs Iemus:

Zuvvende Vôrs ván 't Dreumelriêk; Ridder in de ordes ván D'n Dreumel, de Moelbaer en de Aendekoel; Grand voyageur du monde; Membri importante di frazione marmellata; Ambassadeur ván het greune graas án de witte hel, enz, enz,
hebbe de groëte iër um heer en nów, met of soonder ów goodvinge, d'n âcht-en-vertigste Prîns ván 't Dreumelriêk te proklamere en te installere;

Ovverwaegende:

  • Ten ierste: Dát nó dit prînsloos tiepaerk 't d'n hoëgsten tiêd wuürdt dát weej nów d'n 48e Prîns ván ôs Dreumelriêk gaon proklamere, wát in de regel niks zaet ovver zienne laeftiêd.
  • Ten twedde: Dát 't volkome logisch is dát deze neeje prîns ván groete huügte keumt âfdale in ozze'n Dreumeltempel.
  • Ten derde: Dát weej enne prîns kriege di met de vastenaovend zeker het gójje veurbield giët gaeve en di veurop giët in 't dreumelfiest, en dát 't daorum ok gár ni aerg is ás heej zich d'r mej duchtig naeve schaert.
  • Ten verde: Dát ge neet per sé enne'n hertenbok, en wîld vaerke of en ânder wîld biëst mót wille scheete ás geej tóch óp jacht wilt gaon.
  • Ten viefde: Dát met de vastenaovend letterlijk alle krane aope môtte staon zoedát 't fiëst zeker ni in 't water zal valle en weej ós ôk allemaol ás en viske in 't water zulle veule.
  • Ten zesde: Dát weej te make kriêge met enne prîns di, as enne "riegtiege" professional, ván de gânse wandel good óp de huügte is en di de zeile dus ok noëits hoëger zal hijse ás de mâst lânk is.
  • Ten zuvvende: Dát ozze prîns zeker neet in sprookjesfigure geluüft, már dát d'r vur ôs lokale kabouterkes toch wál gaer en oetzóndering wuürdt gemákt.
  • Ten achste: Dát de neeje prîns de vastenaovend good oêt d'n aek zal wiëte te dreijje, met ândere wöärd: dat heej met de vastenaovend good ziennen'n dreij zal kunne vingen en zal bliêve doordreijje wies 't fiëst écht knats gedaon is.
  • Ten niggende: Dát 't ván groët belang is dát de prîns wuürdt vergezeld dór belangriêke meense, már dát deeze prîns toch wál echt met de neus in de botter is gevalle umdát heej wuürdt beej-gestaon dór de lekkerste limburgse häpkes.
  • Ten tiende: Dát weej enne prîns kriêge woarbeej het woord "sport" veuraal ván toepassing is op zien gestroëmliende staole ros, of eigenlijk de hónderde "steel horses".
  • Ten elfde en leste: Dát 't tiedes de vastenaovend met de veurraod beer in het prînselijk ónderkome wál good zal zitte, má dát de produktie ván de roemruchte gehaktbälkes tot mammoet-umvang zál mótte waere opgeschaald.

Besloête weej:

Um heer en nou te gaon oétrope tot neeje Prîns, waobeej weej eum beneume tot:
Ridder in de Ordes ván d'n Dreumel, de Moelbaer en de Aendekoel, met de iëretitels:
Lord of the Cranes; Grand Comte du Gilette; Baron ván de platte schief; Dauphin du quartier des peintres; Count Cadilac; Groet-veurgenger ván de Pielkabouters en oétvinger ván de orde ván 't Prînseplein en rope nou oét tot âcht-en-vertigste Prîns ván 't Dreumelriêk:

Prîns Sjaak d'n Iërste

met zien Prînses Angelica en Adjudante Rik en Richard

Gegaeve, Hôrs 23 jannewari 2010

ald prins 048