Wim II

Vastenaovend 2019 3, 4 en 5 maart

Proclamatie 1980-1981,
Prins Wim II (Wim van den Munckhof)

Weej, Vôrs Niemes:

Virde Vorst van ‘t Dreumelriek; Ridder in de Orde van D’n Dreumel, De Moelbaer en de Endekoel; Groëtmeister ván de Klos; Oppervreejgezel ván ’t Mussedörp Huurhieër ván de Zwaluwstraot,enz. enz, hebbe de groëte iër um heer en nów, met of soonder ów goodvinge, d’n niggentiende Prîns ván ‘t Dreumelriêk te proklamere en te installere;

Ovverwaegende:

  • Ten Iërste: Dát os Dreumelriek in't afgeloëpe joar op legale wies is oetgebreid door anneksasie van de     subgebieden  Stuksbeemden, de Risselt en Berkelsbrook.
  • Ten Twedde: Dát weej doahin ennen ambassadeur mótten oetzende di gój kontakte zal kunne make mit en volk vá Haamaekers, Blauwvörvers en Klompemaekers, má dát di genne beunhaas móg zien.
  • Ten Derde: Dát ós Dreumels zich de komende drie daag wer zulle goan oetslove um good veurbereid diël te kunne neme aan de Vastenoavesdriedágse.
  • Ten Verde: Dát weej doaveur ennen organisator nuëdig hebbe di os mit kennis vá zake ká veurbereide op deze driedágse, woamei neet gezag is dát't enne fiets-of wandeldriedágse mót waere.
  • Ten Viefde: Dát ok't Dreumelvolk zich te boete giet aan illegaal misbroek van de hedendágse kommuniekasiemiddelen en ánder sort piratereej.
  • Ten Zesde: Dát weej doabeej vur iën joar en zendmachtiging goan oetgaeve aan ennen autochtone Dreumel woabeej weej zullen hoape dát ziene waeg ovver ROZAH giët

Besloête weej:

Um heer en now oet te rope toet PRINS ván't DREUMELRIEK mit verliëning ván de iëretitels: Ridder in de ordes ván d'n Dreumel, de Moelbaer en de Endekoel; Groëtmeister in de hoesorde ván't Berkelsbrook; Freiherr von Paelsláp toet Viëmaert; Groëtpatroën ván de Vlis en Comte de Pirate d'Antoine de Rozah.
En Proklámere now toet niggentiende Prins ván ’t Dreumelriek:

Prîns Wim d’n Twedde

mit zien Prinses Dorothé en Adjudante Gijs en Pieter

Gegaeve, Hôrs 7 Fibberwari 1981

ald prins 019